عادى

كلمة عادى ديه بقينا نسمعها اكتر من اى كلمة ..عارف ليه ؟ عشان كل حاجة بقيت عادى .
قول لبنت ازاى تركبى مع زميلك فى الكلية عربيته لوحدكوا ؟ هتقولك عادى مش انا بركب تاكسى مع راجل معرفوش ده زميلى وعارفاه .. ونسيت ان التاكسى ده وسيلة مواصلات وهتنتهى الكلام بينهم اول ما توصل مشوارها لكن زميلها ده هيوصلها فهيتكلموا هيبدأ ياخد نمرتها و بعدين يخرجوا ويبقوا صحاب و معاه اسرارها .. التاكسى حلو صدقينى.
......حاجات كتير بقت عادى عشان مجتمعنا بقى شايف العيب ممكن يبقى عادى والحرام ممكن يبقى حلال
وغصب عننا بنتأثر بالناس إللى حولينا ودماغنا تبدأ تلف و تدور وساعات بنحاول نقنع نفسنا بكلامهم عشان نقدر نعيش معاهم ..
عشان تتمسك بمبدأك فى الدنيا صعب مش سهل بس ممكن مش مستحيل ...