- لا ضحكات صفرا و ابتسامة من تحت الضرس و لا آجى على نفسى عشان حد ولا أعمل حاجة مش عيزاها "يوتيوبيا"
-ماما : سلمى على طنط ديه بقى تبقى .. خلاص يا ماما مش عايزة أعرف شجرة العيلة .
-*واحدة صاحبة أمى* ايه ده ديه بنتك ؟ لأ لقتنى على باب جامع يا وليه .
- فلانه هتعمل عيد ميلادها فى Holiday Inn مش هتيجى *عيد ميلادها ولا فرحها* ؟
- بصى ال Slippers ديه *الله يرحم ابوكى كان بيلبس الشبشب ابو وردة و فاكرة رجالى*
- مش ملاحظين انى خسيت ؟ اه تخينتى 7 كيلو بس
-لأ ما هو انا مش هشرب من الإزازة بعد ما خلق الله كلهم حطوا بوقهم فيها مش تناكة بس مش طالبه عفانه يعنى .
- مبتسأليش ليه ؟ عشان مش عايزة اسأل على حد مبحبوش
- *واحده صحبتك تشرحلك حاجة مفهمتهاش* فهمتى ؟ لأ مفهمتش انتى حماره اصلا و مش فاهمة حلجة إجرى يابت من هنا
- وحشتينى جدااااااا بقى و عايزة اشوفك . اه بس انتى موحشتنيش .
- مش بتساعدى ماما ليه فى المطبخ ؟ انتى حاشرة مناخيرك فى حياتنا ليه يا وليه يا حشريه ؟
- قوليلى اكتر عيب فيا ؟ والله انا مش عارفة أبدأ منين اصلهم كتير .
-ايه رأيك بقى فى الهدية ؟ بصراحة من غير مجاملة زوقك زى الزفت . وايه الألوان ديه انتى رايح كوكى بارك فى شم النسيم ؟
- ايه رأيك بقى فى آكل طنط ؟ انتوا مين علمكوا تطبخوا "طعمه وحش جدا يا طنط متطبوخيش تانى"
- ما تيجى نخرج ؟ لأ بزهق فى الخروج معاكى و قعدتك مملة .
- ايه رأيك فى صاحبى ؟ وحش جدا و ارحمى امى مش كل يوم تصاحبى واحد و تقرفى اهلى بحاويكى الزبالة
